චිත්‍ර කලාව- "මැටි වැඩ"

 විෂය- චිත්‍ර කලාව             
      

 පාඩම -"මැටි වැඩ"

 ගුරු භවතා-නුවන් ප්‍රසාද් බුද්ධික මයා                       
       දිනය-          2020-06-03
    වේලාව-       ප.ව.02.00-ප.ව3.30

--------------------------------------------------------------------------------

ආයුබෝවන් දරුවො හැමෝටම............................. 

අපි අද චිත්‍ර පාඩමෙන්  තවත් රසවත් වැඩකට ආරම්භයක් ගන්න තමයි සූදානම...................................


ඇත්තටම මේක විනෝදාත්මක වැඩක්........................

අද අපි සූදානම් වෙමු මැටි වැඩක් කරන්න. ඔන්න මැටි වැඩ කීවම වැරදි අර්ථකථනයක් ගන්නව එහෙම නෙවෙයි.

ඇත්තටම කලාවේ කිසිම  තැනක සීමා නෑ. චිත්‍ර,නැටුම්,සංගීතය මේ විශයන් තුනම එකට තමයි ගමන් කරන්නේ. චිත්‍ර ශිල්පියෙක් කියන්නේ මේ හැම දේම අධ්‍යනය කරන ාකනෙක් වෙන්න ඕනි. අපි අද පාඩම දෙස බලමු 

"මැටි වැඩ"

මම සරළව එහෙම හඳුන්වා දෙන්නම් ලොව පැරැණිම ශිෂ්ටාචාර පිළිබඳව බොහෝ තොරතුරු ලබා ගැනීමට ඉවහල් වූ පුරාවස්තු බොහොමයක් මැටි ආශ්‍රිතව නිර්මාණය වු දේවල් වේ.

අපි බලමු මේ මැටි මූර්තියක් හදන්න ආරම්භ කරන්නේ කොහොමද කියල

ප්‍රධාන කටයුතු 2ක් මම ⁣යෝජනා කරනව.

1  අමුදුව්‍ය සකස් කර ගැනීම
2  සැලසුමක් සකස්කර ගැනීම

 දැන් අපි මුලින්ම බලමු අමුද්‍රව්‍ය සපයා ගැනීම පිළිබඳව

 මේ බලන්න ස්වභාවික පරිසරයෙ මැටි තැන්පත් වෙලා තියෙන ආකාරය
ඇත්තටම පස් තට්ටු අතර කාලාන්තරයක් තිස්සෙ මැටි තැන්පත් වීමෙන් මැටි නිධි  නිර්මාණය වෙනවා ඇත්තටම මේ මැටි තමයි නිර්මාණ වලට සුදුසු.මෙසේ ලබා ගන්නා මැටි මුලින්ම පිරිසිදු කර ගත යුතුයි.

මොකද මේ මැටිවල අපද්‍රව්‍ය බොහොමයක් තියෙනවා.රොඩු,ලී කැබලි,වීදුරු කැබලි ,ලෝහ වර්ග,ගල් කැට,ඉතින් අපි මේව ඉවත් කර ගන්න ඕනි.ඉන් පසුව තමයි මැටි සකස් කර ගත යුත්තේ.

මැටි වර්ග කිහිපයක් අපට දැක ගත හැකියි .

වලං මැටි ,කිරිමැටි,සෙරමික් මැටි,පොසිලේන් මැටි,මේ ආදී ලෙස නමි කල හැක.


අපි මුලින් කී පරිදි පිරිසිදු කරගත් මැටි ජලය සමග අනා පදම් කල යුතුය.

මැටි වියලා කුඩුකර,පෙනේරයකින් හලා ගැනීම තුලින් අපිට පිරිසිදු  මැටි මිශ්‍රනයක් සාදා ගත හැක.

මෙ⁣ම පිරිසිදු කරනලද මැටි බන්ධන ශක්තිය වැඩිකිරීමට සිලිකා වැලි යම්කිසි ප්‍රතිශතයක් එක්කල යුතුයි.ඉන් පසු මැටි පොලීතීන් හෝ එවැනි ආවරණයකින් ආවරණය කර දින ගනනාවක් තැබීමෙන් අපිට පදම්කල මැටිලබාගත හැක.

මේ තියෙන්නේ මැටි සකස් කරණ යන්ත්‍ර 2ක්

*යන්ත්‍ර2ක්

මෙමගින මහාපරිමාණ වශයෙන් මැටි සකස් කරගත හැක.

මේ වන විට වෙළඳ පලේ ගත හැකිලෙස සකස් කර ඇති.පැකට් කල පදම් මැටිනිර්මාණ සඳහා භාවිතා කල හැක

මෙ⁣සේ සකස් කල මැටි වලට සමහර ශිල්පීන් විවිධ මැලියම් වර්ග එක්කරනු ලබනවා 

උදා කෙමිෆික්ස් ,දවුල්කුරුඳු/ කුඩුදවුලා ආදිය දැක්විය හැක.

අපි ඊලඟ කාරණය බලමු

අපි නිර්මාණය කිරීමට බලාපොරොත්තු වන් නිර්මාණයේ කටුසටහනක් ඇඳිය යුතුයි.

එසේ සකස් කල සැකිල්ල ඉහත අවසන් පින්තූරය පරිදි මැටි පිරවිය යුතුය

මේ ආකාරයට අපි ලස්සන නිර්මාණයක් කරමු මම ඔයාලට පෙන්වන්නම් මා කල නිර්මාණ කිහිපයක්

 .

මේ බලන්න මේ දරුවො නිර්මාණ කරන අවස්ථාවක්

ඔයාලත් කමන් කරන නිර්මාණයේ කටු සටහනක් ඇඳල ,සැකිල්ලක් නිර්මාණය කරල,මට එවන්න බලන්න.හැමෝම නිර්මාණයක් කල යුතුමයි  ඒ වගේම ඒව පරෙස්සම් කරල පාසල ආරම්භ කල පසු රැගෙන ආ යුතුයි.

එසේනම් අදට පාඩම මෙතනින් අවසන් කරනවා අපි ඊ ලඟ පාඩමෙන් තවත් මැටි ආශ්‍රිතව කල හැකි නිර්මාණ ක්‍රමවේදයක් ඉගෙනගමු   සියලුම දෙනාට තෙරුවන් සරණයි!